მეხუთე დღის რეფლექსია

ტრენინგის მეხუთე დღე დავიწყეთ მეოთხე დღის აქტივობების გახსენებით.გავაკეთეთ კომენტარები კურსის მონაწილეთა რეფლექსიებზე. ამის შემდეგ ტრენერმა გაგვაცნო მეხუთე დღის სამუშაო გეგმა.
ჩამოვწერეთ ჩვენს პროექტზე მორგებული ზოგადი, თემატური და შინაარსობრივი კითხვები, რომლებიც შევიტანეთ პროექტის გეგმაში.
ტრენერი გვესაუბრა შეფასების გეგმის LearningApps შესახებ. ვისწავლეთ რესურსების შექმნა, შევქმენით ბლოგზე ახალი პოსტი, რომელსაც დავარქვით მიმართულების მიმცემი საკვანძო კითხვები.
შესვენების შემდეგ გადავედით ახალ თემაზე-შეფასების სხვადასხვა მეთოდების განხილვა. viewer-ში ვნახეთ მოდული 2 , აქტივობა 3 .ვისაუბრეთ როგორი სახის უნდა იყოს შეფასება და თუ როგორ უნდა შევაფასოთ მოსწავლე. ვნახეთ პრეზენტაცია სადაც განვიხილეთ თუ რას ნიშნავს განმავითარებელი და განმსაზღვრელი შეფასება.
განვიხილეთ შეფასების დროის ჩარჩო (შეფასების სტრატეგიები).
გავეცანით შეფასების ინსტრუმენტებს.
მოსწავლეების წინარე ცოდნის საჭიროებების დადგენის პრეზენტაციაში გავხსენით ვიცი-მინდა ვიცოდე-ვისწავლე დიაგრამა.
დავიწყეთ შეფასების დროის ჩარჩოს შევსება. ჩამოვტვირთეთ ჩეკლისტი და შეფასების რუბრიკები, რომელიც მოვათავსეთ ჩვენს პორტფოლიოში-შეფასებებში.
ტრენინგის ბოლოს ტრენერმა გვთხოვა მთელი კვირის განმავლობაში გადავიკითხოთ ყველა მონაწილის პოსტები, გავუკეთოთ კომენტარი და თუ საჭიროება მოითხოვს მივცეთ შენიშვნები ან რჩევები.

მიმართულების მიმცემი საკვანძო კითხვები

მიმართულების მიმცემი საკვანძო კითხვები
ზოგადი კითხვა	როგორ ახერხებენ ჩვეულებრივი ადამიანები გახდნენ ცნობილნი?
თემატური კითხვები	რა გავლენა იქონიეს პირველმა მოგზაურებმა,მეცნიერებმა და საზოგადო მოღვაწეებმა მსოფლიოზე? როგორ შეცვალეს ამ ხალხმა მსოფლიო? რა მსგავსებები და განსხვავებებია სხვადასხვა ეპოქის ცნობილ ადამიანებს შორის?
შინაარსობრივი კითხვები	რომელ გამოჩენილ ადამიანებს იცნობთ წარსული და თანამედროვე ეპოქიდან? ვინ იყვნენ პირველი ნობელის პრემიის ლაურიატები? რა აღმოაჩინეს,რა შექმნეს მათ რითაც დაიმკვიდრეს სახელი მსოფლიოს ისტორიაში?

მეოთხე დღის რეფლექსია

დღევანდელი დღე საკმაოდ საინტერესო იყო. ტრენინგის დასაწყისში ტრენერმა გაგვაცნო სამუშო დღის გეგემა, რის შემდეგაც დავიწყეთ სასწავლო პროექტის განხილვა და მასზე  მუშაობა.
ე.ს.გ.-ს პორტალიდან შევარჩიეთ პროექტზე მორგებული მიზნები,სტანდარტები და ინდიკატორები. ტრენერის მითითებით გავითვალისწინეთ 21-ე საუკუნის მახასიათებლები. viewer-დან ჩვენს პორტფოლიოში გადმოვიტანეთ განახლებული ბლუმის ტაქსონომიის და 21-ე საუკუნის სიტყვების ფაილები. ჩამოვტვირთეთ, გავეცანით და შევინახეთ საქაღალდეში პრეზენტაციები მიმართულების მიმცემი საკვანძო კითხვების შესახებ.
ტრენერის დავალებით ვიმუშავეთ წყვილებში მიმართულების მიმცემი საკვანძო კითხვების შედგენაზე.
ტრენინგის ბოლოს მივიღეთ დავალება - სახლში მოგვეფიქრებინა ზოგადი, თემატური და შინაარსობრივი კითხვები ჩვენი სასწავლო პროექტისთვის.

მესამე დღის რეფლექსია

ტრენინგის მესამე დღემ ჩაიარა საინტერესოდ, მიუხედავად იმისა ,რომ ინტერნეტი არ გვქონდა, ტრენერმა გაგვიზიარა მობილური ინტერნეტი და ვიმუშავეთ ჯგუფებში .დავრეგისტრირდით padlet.com საიტზე, შევქმენით საზიარო დაფა  გონებრივი იერიშისთვის. გავეცანით ბლუმის ტაქსონომიას, რადგან სტანდარტები უნდა შეირჩეს სწორედ ბლუმის ტაქსონომიის მიხედვით. ვნახეთ პრეზენტაცია-მიმართულების მიმცემი საკვანძო კითხვების შესახებ. გავეცანით ზოგად, თემატურ და შინაარსობრივ შეკითხვებს. გავიაზრეთ თუ რა დანიშნულება აქვსთ მათ. რესურსების საქაღალდეში შევინახეთ დოკუმენტები, რომლებიც დაგვეხმარება მიმართულების მიცემაში.

მეორე დღის რეფლექსია

ტრენინგის მეორე დღეს ტრენერს გავაცანით ჩვენი იდეები სამომავლო პროექტის შექმნის შესახებ. ვისწავლეთ ბლოგის  შექმნა,შევქმენით ბლოგი.ასევე პროექტის თემასთან დაკავშირებით მოვიძიეთ სურათები,რომელიც შევინახეთ ჩვენს პორტფოლიოში-საავტორო უფლებების საქაღალდეში,გავეცანით ბუკლეტების რამოდენიმე ნიმუშს,მოვათავსეთ მოძიებული სურათი ბუკლეტში რომელიც ავირჩიეთ.

პირველი დღის რეფლექსია

ტრენინგის   პირველ დღეს ტრენერი გაგვეცნო,წარგვიდგინა საკუთარი თავი,ასევე გავაკეთეთ ჩვენი თავის პრეზენტაცია,გავიცანით ერთმანეთი.ტრენერმა გაგვაცნო პროექტის გეგმა და მიზნები.დავსვით საკვანძო კითხვები:

• როგორ შეიძლება გამოვიყენოთ ტექნოლოგიები ყველაზე ეფექტურად სწავლების პროცესის ხელშეწყობისა და მოსწავლეთა სწავლის შესაფასებლად?
• როგორ დაეხმარება პროექტები ჩემს მოსწავლეებს სასწავლო სტანდარტის მიღწევასა (ეროვნული სასწავლო გეგმის შედეგზე გასვლაში) და 21-ე საუკუნის უნარ-ჩვევების განვითარებაში?
• როგორ გამოვიყენოთ პროექტები სწავლის პროცესის გაუმჯობესებისთვის?
• გავეცანით სხვა მასწავლებლების მიერ დაგეგმილ და განხორციელებულ პროექტებს,შევქმენით პორტფოლიო,სადაც შეგვიძლია შევინახოთ სხვადასხვა საქაღალდე.
• განვიხილეთ კურსის თითოეული მოდულის მთავარი აქცენტები და მოსალოდნელი შედეგები.
• ტრენერთან ერთად ვისაუბრეთ ჩვენს მიერ უკვე დაგეგმილ და განხორციელებულ პროექტებზე,მივიღეთ დავალება -მოვიფიქროთ პროექტის იდეა,რომელსაც მომავალში განვახორციელებთ.